India's Forex Reserves: ભારતના વિદેશી મુદ્રા ભંડારમાં રેકોર્ડ ઉછાળો, ₹69.1 લાખ કરોડને પાર

ભારતના વિદેશી મુદ્રા ભંડારમાં નોંધપાત્ર વધારો થયો છે. RBI દ્વારા જાહેર કરાયેલા આંકડા મુજબ, 4 સપ્ટેમ્બર 2026ના રોજ પૂર્ણ થયેલા સપ્તાહમાં ભારતનું Forex Reserves વધીને $785.71 અબજના રેકોર્ડ સ્તરે પહોંચી ગયું છે. હાલના વિનિમય દર પ્રમાણે $785.71 અબજ લગભગ ₹69.1 લાખ કરોડ જેટલું થાય છે. આ સાથે ભારતની વિદેશી નાણાકીય સ્થિતિ વધુ મજબૂત બની છે. આ સપ્તાહ દરમિયાન દેશના Forex Reservesમાં $44.90 અબજનો વધારો નોંધાયો છે. અગાઉ 28 ઓગસ્ટે પૂર્ણ થયેલા સપ્તાહમાં પણ વિદેશી મુદ્રા ભંડાર $11.47 અબજ વધીને $740.80 અબજ રહ્યું હતું.

Foreign Currency Assetsમાં મોટો વધારો

ભારતના વિદેશી મુદ્રા ભંડારમાં સૌથી મોટો હિસ્સો FCAનો છે. સપ્તાહ દરમિયાન FCAમાં $47.498 અબજનો વધારો થયો છે અને તે વધીને $648.17 અબજ પર પહોંચી ગયું છે. RBIના આંકડા મુજબ, માર્ચ 2026ના અંતથી અત્યાર સુધીમાં FCAમાં $95.886 અબજનો વધારો થયો છે, જ્યારે એક વર્ષ પહેલાની સરખામણીએ તેમાં $63.692 અબજનો વધારો નોંધાયો છે.

Gold Reservesમાં ઘટાડો

બીજી તરફ ભારતના ગોલ્ડ રિઝર્વમાં આ સપ્તાહ દરમિયાન ઘટાડો નોંધાયો છે. Gold Reserves $2.594 અબજ ઘટીને $113.816 અબજ રહ્યું છે. જોકે, એક વર્ષ પહેલાની સરખામણીએ ભારતનું ગોલ્ડ રિઝર્વ હજુ પણ $23.517 અબજ વધારે છે.

IMF રિઝર્વમાં ફેરફાર

IMF સાથે જોડાયેલા ભારતના SDRમાં પણ થોડો ઘટાડો નોંધાયો છે. SDR $4 મિલિયન ઘટીને $18.806 અબજ રહ્યું છે. જ્યારે IMFમાં ભારતની રિઝર્વ પોઝિશન $2 મિલિયન વધીને $4.916 અબજ થઈ છે.

આ પણ વાંચો: India Digital Economy : ભારતની B2B ડિજિટલ રેલ MSME માટે રૂ. 60 લાખ કરોડનું ધિરાણ અંતર દૂર કરશે

ભારતની આર્થિક સ્થિતિ વધુ મજબૂત

RBIના આંકડા મુજબ, માર્ચ 2026ના અંતથી ભારતના Forex Reservesમાં $94.599 અબજનો વધારો થયો છે. એક વર્ષ પહેલાની સરખામણીએ દેશના વિદેશી મુદ્રા ભંડારમાં $87.438 અબજનો વધારો નોંધાયો છે. મજબૂત Forex Reserves દેશને વૈશ્વિક બજારમાં અનિશ્ચિતતા, આયાત ખર્ચ અને રૂપિયાની અસ્થિરતા સામે વધુ સુરક્ષા આપે છે. ખાસ કરીને ક્રૂડ ઓઇલ જેવી મોટી આયાત માટે આ ભંડાર મહત્વપૂર્ણ ભૂમિકા ભજવે છે.

અમારી WhatsApp ચેનલમાં જોડાવા નીચે આપેલી લિંક પર ક્લીક કરો

https://whatsapp.com/channel/0029VbDPNhHISTkJEDTirJ16