દિવાળી પહેલાં કેન્દ્રીય કર્મચારીઓને બખ્ખાં, મોંઘવારી ભથ્થું 60%થી વધીને 63% થયું

કેન્દ્ર સરકારે દિવાળી પહેલાં કેન્દ્રીય કર્મચારીઓ અને પેન્શનરો માટે મોંઘવારી ભથ્થામાં વધારો કરવાનો નિર્ણય લીધો છે. કેન્દ્રીય કેબિનેટે DA અને DRમાં 3 ટકાવારી પોઇન્ટનો વધારો મંજૂર કર્યો છે. આ વધારા બાદ 7માં પગાર પંચ હેઠળ DA/DRનો દર 60%થી વધીને 63% થશે. નવી દર 1 જુલાઈ, 2026થી લાગુ ગણાશે.

48 લાખ કર્મચારીઓ અને 68 લાખ પેન્શનરોને લાભ

આ નિર્ણયથી આશરે 48 લાખ કેન્દ્રીય કર્મચારીઓ અને 68 લાખ પેન્શનરોને સીધો લાભ મળશે. સરકારને આ વધારાને કારણે આશરે ₹10,016 કરોડનો વધારાનો ખર્ચ થશે.

₹18,000 બેઝિક પગાર હોય તો કેટલો ફાયદો?

જો કોઈ કર્મચારીનો બેઝિક પગાર ₹18,000 હોય તો 3% વધારાથી તેને દર મહિને આશરે ₹540 વધુ DA મળશે. એ જ રીતે ₹29,200 બેઝિક પગાર ધરાવતા કર્મચારીને આશરે ₹876 વધુ પ્રતિ મહિને મળી શકે છે.

DA કેવી રીતે નક્કી થાય છે?

કેન્દ્રીય કર્મચારીઓના DAમાં સુધારો સામાન્ય રીતે વર્ષમાં બે વાર થાય છે. તેની ગણતરી AICPI-IW એટલે કે All-India Consumer Price Index for Industrial Workersના 12 મહિનાના સરેરાશ આંકડા આધારિત સૂત્રથી થાય છે. જુલાઈ 2026 માટે જરૂરી આંકડા પૂર્ણ થયા બાદ 3 ટકાવારી પોઇન્ટના વધારાની અપેક્ષા પહેલેથી જ હતી.

આ પણ વાંચો: દેશના ઔદ્યોગિક ઉત્પાદનમાં નરમાઈ, સપ્ટેમ્બરમાં વૃદ્ધિ 8%થી ઘટીને 6.7%

જૂના Pay Commission હેઠળ પણ વધારો

છઠ્ઠા પગાર પંચ હેઠળ આવતા કર્મચારીઓ અને પેન્શનરો માટે DA/DR 262%થી વધીને 269% થશે. 5માં પગાર પંચ હેઠળ આ દર 483%થી વધીને 497% થશે.

કેબિનેટે અન્ય યોજનાઓને પણ મંજૂરી આપી

આ જ બેઠકમાં કેન્દ્ર સરકારે અન્ય કેટલીક મહત્વપૂર્ણ યોજનાઓને પણ મંજૂરી આપી છે. તેમાં ₹10,000 કરોડની Container Manufacturing Promotion Scheme, ₹1,856 કરોડની Khelo India Sports Goods Manufacturing Scheme અને ₹7,395 કરોડની Pradhan Mantri Viksit Gram Swaraj Yojanaનો સમાવેશ થાય છે.

આ પણ જુઓ

Watch onYouTube