Coca-Cola India IPOની તૈયારીમાં, 1 અબજ ડોલરનો IPO આવી શકે

ભારતીય IPO માર્કેટમાં એક મોટી કંપનીનું નામ જોડાઈ શકે છે. Coca-Cola પોતાની ભારતીય બોટલિંગ યુનિટ Hindustan Coca-Cola Beverages Pvt. Ltd.ના IPO માટે ડિસેમ્બરમાં ડ્રાફ્ટ પ્રોસ્પેક્ટસ ફાઇલ કરવાની તૈયારી કરી રહી હોવાનું મામલાથી માહિતગાર સૂત્રોએ જણાવ્યું છે. સૂત્રોના જણાવ્યા અનુસાર IPOની સમયસીમા, વેલ્યુએશન અને સ્ટ્રક્ચરમાં ફેરફાર થઈ શકે છે કારણ કે ચર્ચા હજુ ચાલુ છે.

IPOમાં મોટાભાગે OFS હોય શકે

Coca-Colaના આ IPOમાં મોટાભાગે હાલના રોકાણકારો દ્વારા શેર વેચાણ (Offer For Sale) સામેલ થઈ શકે છે.

કંપની લગભગ $10 બિલિયનના વેલ્યુએશનનું લક્ષ્ય રાખી રહી છે. અહેવાલ અનુસાર આ IPO દ્વારા લગભગ $1 બિલિયન એકત્ર થઈ શકે છે.

IPO માટે બેંકો સાથે કામ શરૂ

Hindustan Coca-Cola Beveragesના IPO માટે Coca-Cola વિવિધ ઇન્વેસ્ટમેન્ટ બેંકો સાથે કામ કરી રહી છે. અહેવાલ અનુસાર Kotak Mahindra Capital Co., Citigroup Inc., JPMorgan Chase & Co. અને Morgan Stanley ઉપરાંત Axis Capital Ltd. અને IIFL Capital Services Ltd.ને પણ IPO પ્રક્રિયા સાથે જોડવામાં આવ્યા છે.

આ પણ વાંચો: સુરતની રિસાયક્લિંગ ક્ષેત્રની કંપની JB Ecotexએ ₹400 કરોડનો DRHP ફાઇલ કર્યો

ભારતીય IPO માર્કેટમાં વધી રહી છે ગતિ

ભારતમાં IPO માર્કેટમાં તાજેતરના સમયમાં તેજી જોવા મળી રહી છે. જુલાઈથી સપ્ટેમ્બર દરમિયાન ભારતીય IPO મારફતે લગભગ $10 બિલિયનથી વધુ રકમ એકત્ર થઈ છે, જે કોઈપણ ત્રિમાસિક ગાળામાં સૌથી વધુ છે. Bloombergના ડેટા અનુસાર આ વર્ષે અત્યાર સુધીમાં લગભગ 250 IPO દ્વારા $13 બિલિયનથી વધુ રકમ એકત્ર કરવામાં આવી છે.

આ પણ જુઓ

Watch onYouTube