Upcoming Ipo: Hi-Tech Flow Solutions લાવશે IPO, SEBI પાસે ડ્રાફ્ટ પેપર કર્યા ફાઇલ

પાઇપ મેન્યુફેક્ચરિંગ ક્ષેત્રની કંપની Hi-Tech Flow Solutions Ltdએ IPO લાવવા માટે માર્કેટ રેગ્યુલેટર SEBI પાસે DRHP ફાઇલ કર્યા છે. કંપનીનો પ્રસ્તાવિત IPO ₹300 કરોડ સુધીના ફ્રેશ ઇશ્યૂ સાથે આવશે. આ ઉપરાંત પ્રમોટર્સ અને હાલના રોકાણકાર દ્વારા ઓફર ફોર સેલ (OFS) પણ સામેલ રહેશે. કંપનીએ IPOમાંથી મળનારી રકમનો ઉપયોગ ઉત્પાદન ક્ષમતા વધારવા, દેવું ઘટાડવા અને સામાન્ય કોર્પોરેટ જરૂરિયાતો માટે કરવાનો પ્લાન બનાવ્યો છે.

નવા મેન્યુફેક્ચરિંગ યુનિટ માટે ₹126 કરોડનો ઉપયોગ

Hi-Tech Flow Solutions IPOમાંથી મળનારી રકમમાંથી લગભગ ₹126 કરોડનો ઉપયોગ API-ગ્રેડ HSAW પાઇપ મેન્યુફેક્ચરિંગ યુનિટ સ્થાપવા માટે કરશે. આ યુનિટ કંપનીના હાલના નાગપુર મેન્યુફેક્ચરિંગ કોમ્પ્લેક્સમાં બનાવવામાં આવશે. તેમાં થ્રી-લેયર પોલિઇથિલિન કોટિંગ યુનિટનો પણ સમાવેશ થશે.

દેવું ઘટાડવા માટે ₹90 કરોડ ફાળવાશે

કંપની IPOમાંથી મળનારી રકમમાંથી લગભગ ₹90 કરોડનો ઉપયોગ દેવું ચૂકવવા અથવા અગાઉથી ચુકવણી કરવા માટે કરશે. બાકીની રકમ સામાન્ય કોર્પોરેટ હેતુઓ માટે ઉપયોગમાં લેવામાં આવશે.

પ્રમોટર્સ પણ હિસ્સો વેચશે

પ્રસ્તાવિત IPOમાં ફ્રેશ ઇશ્યૂ ઉપરાંત પ્રમોટર્સ અજિત કુમાર બંસલ અને વિપુલ બંસલ પોતાની કેટલીક હિસ્સેદારી વેચશે. આ ઉપરાંત The Wealth Company Alternates Trust–India Inflection Opportunity Fund પણ OFS મારફતે શેર વેચશે. જોકે OFSનું કુલ કદ હજુ જાહેર કરવામાં આવ્યું નથી.

આ પણ વાંચો: RVNL તરફથી ₹409 કરોડનો ઓર્ડર મળતા જ આ કંપનીનો શેરમાં થયો રોકેટ

કંપનીનો બિઝનેસ અને નાણાકીય સ્થિતિ

1993માં સ્થાપિત Hi-Tech Flow Solutions HSAW પાઇપનું ઉત્પાદન કરે છે, જેનો ઉપયોગ પાઇપલાઇન અને ઇન્ફ્રાસ્ટ્રક્ચર પ્રોજેક્ટ્સમાં થાય છે. કંપનીની મેન્યુફેક્ચરિંગ સુવિધાઓ ગુજરાતના સાણંદ અને મહારાષ્ટ્રના નાગપુરમાં આવેલી છે. કંપનીના પ્રોડક્ટ્સ 17 રાજ્યો અને 2 કેન્દ્રશાસિત પ્રદેશોમાં સપ્લાય થાય છે. નાણાકીય વર્ષ 2025-26માં કંપનીએ ₹417 કરોડની ઓપરેશનલ આવક અને ₹36.4 કરોડનો નફો નોંધાવ્યો હતો.

Watch onYouTube