BSE Sensex દિવસના તળિયેથી 450 પોઇન્ટ ઉચકાયો

BSE Sensex: શેરબજાર સળંગ ત્રીજા દિવસે ઘટાડા સાથે ખૂલ્યું હતું, પરંતુ પછી બજાર દિવસનો ઘટાડો પચાવીને તળિયેથી ઉચકાયું હતું. બીએસઈ સેન્સેક્સ દિવસના તળિયેથી 450 પોઇન્ટ ઉચકાયો હતો. બજાર બે દિવસ પછી પોઝિટિવ ઝોનમાં જોવા મળ્યું હતું. આના પગલે નિફ્ટી પણ વધ્યો હતો. તેણે પણ 22,771.80નો હાઈ બનાવ્યો હતો.

સવારના સત્રમાં સેન્સેક્સ 354.66 પોઇન્ટ કે 0.49 ટકા વધીને 72,883.73 પોઇન્ટ પર ચાલતો હતો. જ્યારે નિફ્ટી 49.50 પોઇન્ટ કે 0.22 ટકા વધીને 22,765.70 પર ચાલતો હતો. આમ કુલ 2,353 શેર વધ્યા છે અને 1,152 શેર ઘટ્યા છે.

બીએસઈ સેન્સેક્સ ગઇકાલના બંધ 72,529.07 સામે નીચામાં 72,441.15 પોઇન્ટ પર ખૂલ્યો હતો. તે ઉપરમાં તે 72,899.64 ગયો હતો અને 72,440.05નું તળિયું બનાવ્યું હતું. હાલમાં આ લખાય છે ત્યારે સેન્સેક્સ 72,605 પર ચાલી રહ્યો છે. બીએસઇના 30માંથી 20 શેર વધેલા અને 10 ઘટેલા છે.

આ જ રીતે એનએસઈનો નિફ્ટી50 અગાઉના બંધ 22,716.20ની સામે બુધવારે 22,665 પોઇન્ટ પર ખૂલ્યો હતો.  તેણે ડે હાઈ 22,771.80 તો ડે લો 22,659.80 બનાવી હતી. નિફ્ટી હાલમાં 22,675 પર ચાલી રહ્યો છે. નિફ્ટીના 50માંથી 18 શેર વધેલા તો 32 ઘટેલા છે.

બજારમાં નીચલા સ્તરોએ વેલ્યુ બાઇંગના લીધે તે ઓવરસોલ્ડ કેટેગરીમાંથી બહાર આવ્યું હતું. ભારતનો વોલેટાલિટી ઇન્ડેક્સ એટલે કે વીઆઈએક્સ બે ટકા નીચો એટલે કે 13.17 પર ટ્રેડ થતો હતો, જે દર્શાવે છે કે બજારના સહભાગીઓમાં નર્વસનેસ ઓછી છે.

નિફ્ટી જો 22,650ની નીચે ગયો તો તે મંદીના બજારમાં પ્રવેશી ગયો છે તેમ સમજવું. જો કે સતત ઘટાડાના લીધે ઝડપી પુલબેક રેલીની સંભાવના પણ નકારી શકાય નહીં. ડે ટ્રેડર્સ માટે 22,600થી 22,700 મહત્વનો સપોર્ટિવ ઝોન છે. નિફ્ટી જો આ લેવલથી ઉપર જળવાયેલો રહે તો 22,850થી 23,000 જઈ શકે અને સેન્સેક્સ 73 હજારથી 73,500 જઈ શકે. હવે જો તે 22,600 અને 72,200ની સપાટી તોડે તો જબરદસ્ત વેચવાલીનું દબાણ આવે અને નિફ્ટી 22,500-22,300 અને 72,000 અને 72,100 સુધી જઈ શકે.