HDFC Bankએ GIFT City રૂટે $1.75 અબજ ઊભા કર્યા

HDFC Bankએ આંતરરાષ્ટ્રીય બોન્ડ માર્કેટમાંથી $1.75 અબજ, એટલે કે આશરે ₹14,600 કરોડથી વધુનું ભંડોળ ઊભું કર્યું છે. આ 2008 બાદ બેન્કનું વિદેશી બજારમાંથી સૌથી મોટું ફંડરેઇઝ છે. સમગ્ર ઇશ્યૂ GIFT City બ્રાન્ચ મારફતે કરવામાં આવ્યો છે અને ભંડોળ સિનિયર અનસિક્યોર્ડ બોન્ડ દ્વારા મેળવવામાં આવ્યું છે.

બે ટ્રાન્ચમાં ફંડરેઇઝ

બેન્કે કુલ રકમ બે અલગ બોન્ડ ઇશ્યૂ દ્વારા ઊભી કરી છે. પ્રથમ ટ્રાન્ચમાં 3 વર્ષની મુદત માટે $500 મિલિયન ઊભા કરવામાં આવ્યા છે, જેના પર 5.159% કૂપન દર નક્કી થયો છે. બીજી ટ્રાન્ચમાં 5 વર્ષની મુદત માટે $1.25 અબજ ઊભા કરવામાં આવ્યા છે. તેના પર 5.401% કૂપન દર રહેશે. બંને બોન્ડ પર રોકાણકારોને વર્ષમાં બે વખત વ્યાજ ચૂકવવામાં આવશે.

26 ઓગસ્ટે સેટલમેન્ટ

બંને બોન્ડનું સેટલમેન્ટ 26 ઓગસ્ટ 2026ના રોજ થશે. 3 વર્ષના બોન્ડની મેચ્યોરિટી 26 ઓગસ્ટ 2029 અને 5 વર્ષના બોન્ડની મેચ્યોરિટી 26 ઓગસ્ટ 2031 રહેશે. આ બોન્ડ માટે કોઈ સંપત્તિ ગીરવે રાખવામાં આવી નથી. બોન્ડ NSE અને India INX પર લિસ્ટ થવાના છે.

વૈશ્વિક રેટિંગ એજન્સીઓનું રેટિંગ

Moody’sએ આ બોન્ડને Baa3 રેટિંગ આપ્યું છે, જ્યારે S&P Globalએ BBB રેટિંગ આપ્યું છે. વિદેશી બજારમાંથી મળેલું આ ભંડોળ HDFC Bankની લિક્વિડિટી મજબૂત કરવામાં મદદરૂપ થઈ શકે છે અને બેન્કની ધિરાણ ક્ષમતાને ટેકો આપી શકે છે.