Ola Electricના શેરને વાગી 'બ્રેક'! 4 દિવસની તેજી બાદ શેર 9% તૂટ્યો!

Ola Electricના શેરમાં સતત ચાર દિવસની તેજી બાદ શુક્રવારે ઘટાડો જોવા મળ્યો છે. કંપની દ્વારા રાઇટ્સ ઇશ્યૂ મારફતે ફંડ એકત્ર કરવાની જાહેરાત બાદ શેરમાં 9% સુધીનો ઘટાડો નોંધાયો. જોકે, માર્ચમાં બનાવેલા 52 સપ્તાહના નીચલા સ્તરથી શેરમાં લગભગ બમણો ઉછાળો આવી ચૂક્યો છે.

રાઇટ્સ ઇશ્યૂ અંગે બોર્ડ બેઠક

Ola Electricએ એક્સચેન્જ ફાઇલિંગમાં જણાવ્યું છે કે કંપની ઇક્વિટી શેરના પ્રસ્તાવિત રાઇટ્સ ઇશ્યૂ મારફતે ફંડ એકત્ર કરવાની યોજના પર વિચાર કરી રહી છે. આ અંગે નિર્ણય લેવા માટે કંપનીના બોર્ડ ઓફ ડિરેક્ટર્સની બેઠક 28 સપ્ટેમ્બર, 2026ના રોજ યોજાશે. આ પ્રક્રિયા જરૂરી નિયમનકારી અને કાયદાકીય મંજૂરીઓને આધિન રહેશે.

ચાર દિવસની તેજી બાદ શેરમાં ઘટાડો

Ola Electricના શેરમાં અગાઉ સતત ચાર દિવસ સુધી તેજી જોવા મળી હતી. આ સમયગાળા દરમિયાન શેરમાં 17%થી વધુનો વધારો થયો હતો. 25 સપ્ટેમ્બરે શેર ₹42.50ના ભાવે ખુલ્યો હતો અને શરૂઆતના ટ્રેડિંગમાં ₹38.65ના નીચલા સ્તરે પહોંચ્યો હતો, જેના કારણે શેરમાં 9% સુધીનો ઘટાડો નોંધાયો.

માર્ચના નીચલા સ્તરથી શેરમાં મોટો ઉછાળો

Ola Electricના શેરે આ વર્ષે માર્ચમાં ₹22.25નો 52 સપ્તાહનો નીચલો સ્તર બનાવ્યો હતો. ત્યારબાદ આવેલા રિકવરીના કારણે શેર ₹42ના સ્તર સુધી પહોંચ્યો હતો. આ સમયગાળા દરમિયાન શેરમાં લગભગ 95%નો વધારો નોંધાયો છે.

કંપનીએ ફંડિંગ પ્લાન અંગે શું કહ્યું?

કંપનીએ જણાવ્યું કે રાઇટ્સ ઇશ્યૂ દ્વારા રિટેલ, ઇન્સ્ટિટ્યૂશનલ અને પ્રમોટર ગ્રુપ સહિત તમામ યોગ્ય શેરધારકોની ભાગીદારી સુનિશ્ચિત કરવાનો પ્રયાસ કરવામાં આવશે. અગાઉ કંપનીના બોર્ડે ઇક્વિટી શેર અને અન્ય સિક્યોરિટીઝ દ્વારા ₹1,500 કરોડ સુધી ફંડ એકત્ર કરવાની યોજના મંજૂર કરી હતી.

આ પણ વાંચો : પ્રતિબંધ છતાં ભારતીય ઘઉંનો દબદબો! બાંગ્લાદેશે આપ્યો 2 લાખ ટનનો ઓર્ડર

આ પણ જુઓ :

Watch onYouTube