Ola Electric Share: Q2 પરિણામો પહેલાં શેરમાં તેજી, 2 દિવસમાં 9% ઉછાળો

Ola Electricના શેરમાં ગુરુવાર, 12 નવેમ્બરે જોરદાર ખરીદી જોવા મળી છે. કંપનીના બીજા ક્વાર્ટરના પરિણામો જાહેર થવાના પહેલાં શેર શરૂઆતના કારોબારમાં 7%થી વધુ ઉછળીને ₹37ના સ્તરે પહોંચ્યો હતો. છેલ્લા બે ટ્રેડિંગ સેશનમાં શેર લગભગ 9% મજબૂત થયો છે. આ તેજી પાછળ કેન્દ્ર સરકારની નવી Electric Vehicle (EV) ખરીદી નીતિને મહત્વનું કારણ માનવામાં આવી રહ્યું છે.

નવી EV નીતિથી Ola Electricને શું ફાયદો?

નાણાં મંત્રાલયે કેન્દ્ર સરકારના તમામ મંત્રાલયો અને વિભાગો માટે સરકારી કર્મચારીઓની કાર ખરીદીમાં ઇલેક્ટ્રિક વાહનોને ડિફોલ્ટ અને પ્રાથમિક વિકલ્પ બનાવવાનો નિર્ણય લીધો છે. આ નિર્ણય તાત્કાલિક અસરથી લાગુ કરવામાં આવ્યો છે. સરકારે ઇલેક્ટ્રિક કારની ખરીદી માટે Net Dealer Priceની મહત્તમ મર્યાદા વધારીને ₹20 લાખ કરી છે. બીજી તરફ, પેટ્રોલ, ડીઝલ અને હાઇબ્રિડ કાર માટે આ મર્યાદા ₹10 લાખ રાખવામાં આવી છે. સરકારી ઉપયોગ માટે કાર ભાડે લેવાની સ્થિતિમાં પણ ઇલેક્ટ્રિક વાહનોને પ્રાથમિકતા આપવાનો નિર્દેશ આપવામાં આવ્યો છે. આ નિર્ણયનો હેતુ દેશમાં ઇલેક્ટ્રિક મોબિલિટીને પ્રોત્સાહન આપવાનો અને પેટ્રોલ-ડીઝલ પરની નિર્ભરતા ઘટાડવાનો છે. સરકારી સ્તરે EVની માંગ વધવાની સંભાવનાને કારણે ઇલેક્ટ્રિક વાહન કંપનીઓના શેરમાં રોકાણકારોની રસ વધ્યો છે.

₹157ના હાઈથી ₹22 સુધી લપસ્યો હતો શેર

Ola Electricનો શેર ઓગસ્ટ 2024માં શેરબજારમાં લિસ્ટ થયો હતો. લિસ્ટિંગ બાદ શેરમાં તેજી જોવા મળી હતી અને 2024માં તેણે ₹157.40નો લાઇફટાઇમ હાઈ બનાવ્યો હતો. ત્યારબાદ શેરમાં સતત નબળાઈ જોવા મળી અને માર્ચ 2026માં તે ઘટીને ₹22.25ના લાઇફટાઇમ લો સુધી પહોંચી ગયો હતો. આ પછી શેરમાં રિકવરી જોવા મળી અને જૂન 2026માં તેણે ₹49.05નો 52-વીક હાઈ નોંધાવ્યો હતો. જોકે, ત્યારબાદ ફરીથી શેરમાં ઘટાડો આવ્યો. હવે છેલ્લા બે દિવસની તેજી બાદ શેર ફરી ₹37ના સ્તરે પહોંચ્યો છે.

Q2 પરિણામો પર રહેશે રોકાણકારોની નજર

Ola Electric માટે બીજા ક્વાર્ટરના પરિણામો મહત્વપૂર્ણ રહેશે. રોકાણકારો કંપનીના વેચાણ, રેવન્યુ, નુકસાન અને ઇલેક્ટ્રિક ટુ-વ્હીલર બિઝનેસના પ્રદર્શન પર નજર રાખશે. નવી સરકારી EV નીતિથી કંપનીને ભવિષ્યમાં બિઝનેસ વધારવાની તક મળી શકે છે. જોકે, આ નીતિનો વાસ્તવિક લાભ કંપનીના વેચાણ અને નાણાકીય પરિણામોમાં કેટલો જોવા મળે છે, તે Q2 પરિણામો બાદ વધુ સ્પષ્ટ થશે.

આ પણ વાંચો: Hindustan Copperના શેરમાં તેજીનો કરંટ! 182% નફો વધતાં શેર 7% ઉછળ્યો

આ પણ જુઓ :

Watch onYouTube