NEWS IN BRIEF: સોલર, હેલ્થ ઇન્શ્યોરન્સ અને ફેસ્ટિવ ઓફર્સના 3 મોટા બિઝનેસ અપડેટ

ટાટા પાવર સોલરુફના સોલર ઇન્સ્ટોલેશનમાં 33% વૃદ્ધિ

ટાટા પાવર સોલરુફે નાણાકીય વર્ષ 2026-27ના બીજા ત્રિમાસિક ગાળામાં 88,397 રુફટોપ સોલર ઇન્સ્ટોલેશન કર્યા છે, જે ગયા વર્ષ કરતાં 33% વધુ છે. આ દરમિયાન કંપનીએ 426 MWp ક્ષમતા ઉમેરી છે, જેમાં 15% વૃદ્ધિ નોંધાઈ છે. પ્રથમ છ મહિનામાં કુલ 1.68 લાખથી વધુ ઇન્સ્ટોલેશન સાથે 801 MWp ક્ષમતા ઉમેરાઈ છે. કંપનીના કુલ રુફટોપ સોલર ઇન્સ્ટોલેશન હવે 5.75 લાખને પાર થયા છે.

ManipalCignaનું નવું INFINIX હેલ્થ ઇન્શ્યોરન્સ

ManipalCigna હેલ્થ ઇન્શ્યોરન્સે ટિયર-1 અને ટિયર-2 શહેરોના ગ્રાહકો માટે ‘INFINIX’ હેલ્થ ઇન્શ્યોરન્સ પ્લાન લોન્ચ કર્યો છે. તેમાં અનલિમિટેડ સમ ઇન્શ્યોર્ડની સુવિધા સાથે શહેર આધારિત પ્રાઇસિંગ અને ગ્રાહકની જરૂરિયાત પ્રમાણે કવરેજ પસંદ કરવાનો વિકલ્પ છે. INFINIX NOW અને INFINIX CORE એમ બે વિકલ્પો ઉપલબ્ધ છે. પ્લાનમાં વન-ટાઇમ એગ્રીગેટ ડિડક્ટિબલ સહિતની સુવિધાઓ આપવામાં આવી છે.

ICICI બેંકનું ‘ફેસ્ટિવ બોનાન્ઝા’ ફરી શરૂ

ICICI બેંકે તહેવારોની સીઝનને ધ્યાનમાં રાખીને ‘ફેસ્ટિવ બોનાન્ઝા’ ઓફર ફરી શરૂ કરી છે. ફ્લિપકાર્ટના Big Billion Daysમાં 10% ડિસ્કાઉન્ટ, નવા iPhone મોડલ્સ પર ₹7,000 સુધીનું કૅશબૅક અને ઇલેક્ટ્રોનિક્સ પર ₹30,000 સુધીના ડિસ્કાઉન્ટ સહિતની ઓફર્સ મળશે. ટ્રાવેલ બુકિંગ પર ₹35,000 સુધી અને ફર્નિચર તથા હોમ ડેકોર પર 30% સુધીના ડિસ્કાઉન્ટની ઓફર પણ છે. ગ્રાહકો ICICI બેંકના ક્રેડિટ અને ડેબિટ કાર્ડ, ઇન્ટરનેટ બેંકિંગ અને EMI વિકલ્પો દ્વારા લાભ મેળવી શકશે.

આ પણ જુઓ

Watch onYouTube