Campaને ‘Energy Drink’ તરીકે વેચવાનું ચાલુ રાખી શકશે Reliance, દિલ્હી હાઈકોર્ટથી રાહત

Reliance Industriesને Campa બ્રાન્ડના ઉત્પાદનોને ‘Energy Drink’ તરીકે વેચવા મામલે દિલ્હી હાઈકોર્ટથી રાહત મળી છે. કોર્ટે કંપનીને હાલ માટે આ નામનો ઉપયોગ ચાલુ રાખવાની મંજૂરી આપી છે. આ રાહત FSSAIના 30 જૂનના આદેશ સામે મળી છે, જેમાં વધુ કેફીન ધરાવતા પીણાં બનાવતી કંપનીઓને ‘Energy Drink’ શબ્દનો ઉપયોગ બંધ કરવા કહેવામાં આવ્યું હતું. Reliance Consumer Productsએ કોર્ટમાં જણાવ્યું હતું કે આ પ્રતિબંધને કારણે તેના વ્યવસાયને મોટો ફટકો પડી રહ્યો છે અને કેટલાક રાજ્યોમાં માલ જપ્ત કરવાની કાર્યવાહી પણ શરૂ થઈ હતી.

FSSAIને કોર્ટનો સવાલ

સુનાવણી દરમિયાન દિલ્હી હાઈકોર્ટે FSSAIના વકીલને પૂછ્યું કે આદેશ પસાર કરતા પહેલાં Relianceને નોટિસ કેમ આપવામાં આવી નહોતી. કોર્ટે કહ્યું કે ભૂલ સુધારવામાં ક્યારેય મોડું નથી હોતું. હવે આ કેસની આગામી સુનાવણી 5 નવેમ્બરે થશે. PepsiCo અને Monster Beverageએ પણ આ જ મુદ્દે કોર્ટનો દરવાજો ખખડાવ્યો છે, જ્યારે Red Bullને અગાઉ ‘Energy Drink’ નામનો ઉપયોગ ચાલુ રાખવા કોર્ટથી રાહત મળી ચૂકી છે.

Reliance પાસે મોટો તૈયાર જથ્થો

Relianceએ પોતાની અરજીમાં જણાવ્યું હતું કે તેની પાસે ‘Energy Drink’ લેબલવાળા 16.8 કરોડ તૈયાર કેન અને 12 કરોડ પ્લાસ્ટિક બોટલનો જથ્થો છે. આ ઉપરાંત વધુ 40 કરોડ કેન અને 36 કરોડ બોટલ માટે પહેલેથી છપાયેલું પેકેજિંગ પણ તૈયાર છે. કંપનીના જણાવ્યા મુજબ, કેટલાક રાજ્યોમાં માલ જપ્ત કરવામાં આવ્યો હતો અને ઈ-કોમર્સ પ્લેટફોર્મને પણ ઉત્પાદનો દૂર કરવાની સૂચના આપવામાં આવી હતી. તેના કારણે કંપનીની કામગીરીમાં નોંધપાત્ર વિક્ષેપ આવ્યો હતો.

Campa માટે મહત્વનો નિર્ણય

Relianceએ Campa બ્રાન્ડને 2023માં ફરી બજારમાં રજૂ કરી હતી. કંપની ઓછી કિંમત અને પોતાના વિશાળ રિટેલ નેટવર્કના આધાર પર Coca-Cola અને PepsiCo સામે સ્પર્ધા વધારવાનો પ્રયાસ કરી રહી છે. ‘Energy Drink’ લેબલ પર પ્રતિબંધ Campaના ઊર્જા પીણાંના વ્યવસાય માટે મોટો પડકાર બની શકે તેમ હતો. Euromonitorના આંકડા મુજબ, ભારતમાં energy drinksનું છૂટક વેચાણ દર વર્ષે 12.6%ના દરે વધી રહ્યું છે, જે અમેરિકા અને ચીન કરતાં ઝડપી વૃદ્ધિ છે.

આ પણ જુઓ

Watch onYouTube