Sonalikaનો નવો રેકોર્ડ, માત્ર 6 મહિનામાં 1 લાખથી વધુ ટ્રેક્ટર વેચ્યા

Sonalika Tractorsએ પોતાના 30મા વર્ષમાં વેચાણનો નવો રેકોર્ડ બનાવ્યો છે. કંપનીએ એપ્રિલથી સપ્ટેમ્બર 2026 દરમિયાન માત્ર છ મહિનામાં 1 લાખથી વધુ ટ્રેક્ટર વેચ્યા છે. કંપનીના જણાવ્યા મુજબ, આ જ સ્તરનો વેચાણ આંકડો હાંસલ કરવા આઠ વર્ષ પહેલાં આખું વર્ષ લાગતું હતું.

વેચાણની ગતિમાં મોટો વધારો

કંપનીએ જણાવ્યું કે ટ્રેક્ટરમાં સતત સુધારા, ખેડૂતો સાથે નજીકનો સંપર્ક, સારી ઉત્પાદન યોજના અને ડીલર નેટવર્ક વચ્ચેના સંકલનથી આ પ્રદર્શન શક્ય બન્યું છે. Sonalikaનું કહેવું છે કે કંપનીએ અગાઉ વાર્ષિક 50,000 ટ્રેક્ટર વેચાણના સ્તરથી આગળ વધીને હવે માત્ર છ મહિનામાં 1,00,000 ટ્રેક્ટર વેચાણનો માઇલસ્ટોન હાંસલ કર્યો છે.

30માં વર્ષમાં નવો માઇલસ્ટોન

કંપનીએ આ સિદ્ધિને ‘Khud Se Jeetne Ka DUM’ અભિયાન સાથે જોડીને રજૂ કરી છે. Sonalikaના જણાવ્યા મુજબ, ખેડૂતોને તેમની પોતાની કામગીરીના નવા માપદંડ હાંસલ કરવામાં મદદ કરવાનો આ અભિગમ કંપનીની કામગીરીમાં પણ પ્રતિબિંબિત થયો છે. કંપનીએ જણાવ્યું કે તે દરેક સિદ્ધિને નવા પડકાર તરીકે લઈને આગળ વધતી રહી છે અને આ જ અભિગમથી વેચાણની ગતિમાં વધારો થયો છે.

આ પણ વાંચો: AI કંપનીઓના વેલ્યુએશનમાં ઘટાડો ભારત માટે ફાયદાકારક બની શકે: RBI ગવર્નર

માસિક ઉત્પાદન 19,000 ટ્રેક્ટર સુધી પહોંચ્યું

તહેવારોની સિઝન પહેલાં Sonalikaએ ઉત્પાદન ક્ષમતાનો પણ નવો રેકોર્ડ બનાવ્યો છે. કંપનીએ હોશિયારપુર સ્થિત પ્લાન્ટમાં એક મહિનામાં અત્યાર સુધીના સૌથી વધુ 19,000 ટ્રેક્ટરનું ઉત્પાદન કર્યું છે. કંપનીએ વધતી ગ્રાહક માંગને ઝડપથી પહોંચી વળવા માટે ડીલર નેટવર્કને પણ તૈયાર કર્યું છે અને બજારમાં ટ્રેક્ટરની ઉપલબ્ધતા વધારવા પર ભાર મૂક્યો છે.

આ પણ જુઓ

Watch onYouTube