વિદેશથી MBBS કરેલા ઇન્ટર્ન ડોક્ટરોને પણ હવે દર મહિને ₹21,840 સ્ટાઇપેન્ડ મળશે

ગુજરાત સરકારે વિદેશથી MBBS અભ્યાસ પૂર્ણ કરીને રાજ્યમાં ઇન્ટર્નશીપ કરતા તબીબો માટે મહત્વપૂર્ણ નિર્ણય કર્યો છે. હવે આવા ઇન્ટર્ન ડોક્ટરોને રાજ્યના અન્ય ઇન્ટર્ન તબીબો જેટલું જ પ્રતિ માસ ₹21,840 સ્ટાઇપેન્ડ આપવામાં આવશે. આરોગ્ય મંત્રી પ્રફુલ પાનશેરિયાના જણાવ્યા મુજબ, આ નિર્ણયથી સરકારી અને GMERS મેડિકલ કોલેજોમાં ઇન્ટર્નશીપ કરતા આશરે 350 વિદ્યાર્થીઓને લાભ મળશે.

વિદેશી MBBS વિદ્યાર્થીઓ માટે એક વર્ષની ઇન્ટર્નશીપ ફરજિયાત

National Medical Commissionના નિયમો મુજબ, વિદેશમાંથી MBBS અભ્યાસ પૂર્ણ કરેલા ભારતીય તબીબી વિદ્યાર્થીઓએ ભારતમાં ફરજિયાત એક વર્ષની ઇન્ટર્નશીપ કરવી પડે છે. ગુજરાતની સરકારી અને GMERS મેડિકલ કોલેજોમાં ઇન્ટર્નશીપ કરતા આવા વિદ્યાર્થીઓને હવે સામાન્ય ઇન્ટર્ન ડોક્ટરોની સમકક્ષ સ્ટાઇપેન્ડ મળશે.

350 જેટલા વિદ્યાર્થીઓને મળશે લાભ

ગુજરાત મેડિકલ કાઉન્સિલ દ્વારા રાજ્યની સરકારી અને GMERS મેડિકલ કોલેજોમાં 1 જૂન 2026 અને 1 ઓક્ટોબર 2026થી ઇન્ટર્નશીપ પોસ્ટિંગ મેળવનારા આશરે 350 વિદ્યાર્થીઓ આ નિર્ણય હેઠળ પાત્ર બનશે. આ તમામ વિદ્યાર્થીઓને પ્રતિ માસ ₹21,840 સ્ટાઇપેન્ડ આપવામાં આવશે.

આ પણ વાંચો: Jio Platforms IPOની GMP ₹150ને પાર, આ તારીખે ખુલવાની પ્રબળ શક્યતા

વિદેશથી અભ્યાસ કરીને પરત ફરેલા વિદ્યાર્થીઓને આર્થિક ટેકો

રાજ્ય સરકારના જણાવ્યા મુજબ, આ નિર્ણયથી વિદેશમાં MBBS અભ્યાસ પૂર્ણ કર્યા બાદ ગુજરાતમાં ઇન્ટર્નશીપ કરતા તબીબી વિદ્યાર્થીઓને આર્થિક ટેકો મળશે અને તેઓ અન્ય ઇન્ટર્ન ડોક્ટરોની સમકક્ષ સ્ટાઇપેન્ડ મેળવી શકશે.

આ પણ જુઓ

Watch onYouTube