UNGAમાં ભારતનો AI પાવર શો! દુનિયા સામે રજૂ કર્યું ડિજિટલ વિકાસનું મોડલ

સંયુક્ત રાષ્ટ્ર મહાસભા (UNGA) સપ્તાહ દરમિયાન યોજાયેલા પાંચમા India Day @ UNGA કાર્યક્રમમાં ભારતે પોતાના AI અને ડિજિટલ વિકાસ મોડલને વૈશ્વિક મંચ પર રજૂ કર્યું. કાર્યક્રમમાં ટેક્નોલોજી, ડિજિટલ ઇન્ફ્રાસ્ટ્રક્ચર અને સમાવેશી વિકાસ જેવા મુદ્દાઓ પર ચર્ચા કરવામાં આવી. આ કાર્યક્રમમાં ભારતના વિદેશ મંત્રી એસ. જયશંકર સહિત વિવિધ દેશોના પ્રતિનિધિઓ, નીતિ નિર્માતાઓ અને નિષ્ણાતોએ ભાગ લીધો હતો. ચર્ચામાં બદલાતી વૈશ્વિક પરિસ્થિતિમાં ટેક્નોલોજી અને આંતરરાષ્ટ્રીય સહયોગની ભૂમિકા પર ભાર મૂકવામાં આવ્યો.

AI અને ડિજિટલ વિકાસ પર વૈશ્વિક ચર્ચા

India Dayમાં "From India to the World: Scaling Development Innovations for Global Impact" સેશન દરમિયાન ભારતના ડિજિટલ વિકાસ મોડલ અને AI આધારિત ઉકેલોની ચર્ચા કરવામાં આવી. આ દરમિયાન AIનો ઉપયોગ આરોગ્ય, શિક્ષણ, કૃષિ અને જાહેર સેવાઓ જેવા ક્ષેત્રોમાં કેવી રીતે મોટા પાયે કરી શકાય તેના પર ચર્ચા થઈ.

વિદેશમંત્રીએ વૈશ્વિક સહયોગ પર આપ્યો ભાર

કાર્યક્રમના સેશન "Ruptures & Ramparts: Building Bridges for a Changing World"માં વૈશ્વિક પડકારો, AI, ક્લાઇમેટ એક્શન અને આંતરરાષ્ટ્રીય સહયોગ જેવા મુદ્દાઓ પર ચર્ચા થઈ. આ ચર્ચામાં એસ. જયશંકરે બદલાતી દુનિયામાં દેશો વચ્ચે સહયોગ અને મજબૂત ભાગીદારીની જરૂરિયાત પર વાત કરી.

ભારતના AI મોડલ પર પ્રકાશન લોન્ચ

India Day દરમિયાન "When Silicon Meets the Soil: India's AI Revolution"** નામનું પ્રકાશન પણ લોન્ચ કરવામાં આવ્યું. આ પ્રકાશનમાં ભારતના AI ઇકોસિસ્ટમ, ડિજિટલ ઇનોવેશન અને ટેક્નોલોજીના વિવિધ ક્ષેત્રોમાં ઉપયોગ સાથે જોડાયેલા ઉદાહરણો રજૂ કરવામાં આવ્યા છે.

ચાર મુખ્ય વિષયો પર થયું મંથન

India Day @ UNGA 2026માં AI, ડિજિટલ પબ્લિક ઇન્ફ્રાસ્ટ્રક્ચર, મહિલા અને બાળ વિકાસ, આરોગ્ય તથા સમાવેશી વિકાસ જેવા વિષયો પર સેશન યોજાયા. "The AI Promise: Diffusion at Population Scale" સેશનમાં AIને વિવિધ ભાષાઓ, ક્ષેત્રો અને જાહેર સેવા વ્યવસ્થામાં ઉપયોગ કરવાની શક્યતાઓ પર ચર્ચા કરવામાં આવી.

આ પણ જુઓ

Watch onYouTube