Layoffs: લો હવે આ કંપનીએ કરી છટણીની શરૂઆત, ભારતમાં લગભગ 1,000 નોકરી પર જોખમ

Qualcommએ ગયા મહિને જાહેર કરેલી વૈશ્વિક કર્મચારી સંખ્યામાં ઘટાડો યોજના હેઠળ ભારતમાં છટણી શરૂ કરી છે. પ્રથમ રાઉન્ડ 9 નવેમ્બરથી બેંગલુરુમાં શરૂ થયો હોવાનું અહેવાલોમાં જણાવાયું છે. તેમાં સિનિયર એન્જિનિયર અને વર્ષોનો અનુભવ ધરાવતા કર્મચારીઓ પણ સામેલ છે.

1,000 કર્મચારીઓ પર અસરનો અંદાજ

EIIRTrendના CEO અને વિશ્લેષક પરીખ જૈનના અંદાજ મુજબ ભારતમાં Qualcommના આશરે 20,000 કર્મચારીઓમાંથી લગભગ 7% સુધીની workforce reduction થાય તો 1,000 અથવા તેથી વધુ કર્મચારીઓ પર અસર થઈ શકે છે. જોકે અન્ય એક અહેવાલ મુજબ ભારતમાં વાસ્તવિક છટણીનો આંકડો આ અંદાજ કરતાં ઘણો ઓછો હોઈ શકે છે. Qualcommએ હજુ સુધી ભારતમાં કેટલા કર્મચારીઓની નોકરી જશે તેનો સત્તાવાર આંકડો આપ્યો નથી.

છટણી કેમ થઈ રહી છે?

Qualcommના CEO Cristiano Amonએ ઑક્ટોબરમાં કર્મચારીઓને મોકલેલા ઈન્ટરનલ મેમોમાં પર્ફોમન્સ અને કેન્દ્રિત કર્મચારી સંખ્યામાં ઘટાડો અંગે માહિતી આપી હતી. કંપનીએ જણાવ્યું હતું કે નિર્ણય લેતી વખતે બિઝનેસ અગ્રતા, ઓર્ગેનાઈઝેશનની જરૂરિયાત અને કર્મચારીઓની સ્કિલ્સને ધ્યાનમાં લેવામાં આવશે. જોકે કેટલાક અસરગ્રસ્ત કર્મચારીઓએ કહ્યું છે કે તેમને અગાઉ કોઈ નેગેટીવ પર્ફોમન્સ ફિડબેક આપવામાં આવ્યું નહોતું.

આ પણ વાંચો: HDFC બેંકે વધાર્યા વ્યાજ દર: કયા ગ્રાહકોના EMI વધશે? જાણો નવા MCLR દરો

કેટલું Severance Package મળશે?

અહેવાલ મુજબ અસરગ્રસ્ત કર્મચારીઓને ત્રણ મહિનાના પગાર જેટલું severance આપવામાં આવી રહ્યું છે. આ ઉપરાંત કર્મચારીનો કાર્યકાળ કેટલો છે તેના આધારે વધારાનું વળતર પણ મળી શકે છે. જે કર્મચારીઓ ત્રણ દિવસની અંદર exit documents પર સહી કરે તેમને વધારાનો એક મહિનાનો પગાર આપવાની ઓફર કરવામાં આવી હોવાના અહેવાલ છે. એટલે કેટલાક કર્મચારીઓને કુલ મળીને લગભગ ચાર મહિનાના પગાર જેટલું વળતર મળી શકે છે. જોકે Qualcommએ આ severance termsની સત્તાવાર પુષ્ટિ કરી નથી.

સ્માર્ટફોન બિઝનેસ પર દબાણ

Qualcommના તાજેતરના નાણાકીય પરિણામોમાં સ્માર્ટફોન ચીપ બિઝનેસ પર પર દબાણ જોવા મળ્યું હતું. કંપનીની fiscal fourth-quarter revenue વાર્ષિક ધોરણે 8% ઘટીને $10.32 billion રહી હતી. Handset chipsમાંથી આવક 26% ઘટીને $5.14 billion થઈ હતી. બીજી તરફ automotive chip revenue 89% વધીને $1.99 billion થઈ હતી. Qualcomm હવે સ્માર્ટફોન બિઝનેસ પરનો આધાર ઘટાડીને ડેટા સેન્ટર અને AI ઈન્ફોસ્ટ્રકચરમાં વધુ વૃદ્ધિ મેળવવા માગે છે. કંપનીને fiscal 2027માં non-handset revenueમાં 60%થી વધુ વૃદ્ધિની અપેક્ષા છે અને તેણે ડેટા સેન્ટર બિઝનેસ માટે $5 billion રેવન્યુ ટાર્ગેટ પણ યથાવત રાખ્યો છે. Qualcommની તાજેતરની annual filing મુજબ 27 સપ્ટેમ્બર 2026 સુધી કંપની પાસે 38 દેશોમાં 200થી વધુ સ્થળોએ આશરે 57,000 કર્મચારીઓ હતા.